Intermediate Exam Results Released، آندھرا پردیش انٹرمیڈیٹ امتحانات کے نتائج جاری
عام طور پر سابقہ حکومتیں میڈیا کانفرنس کے ذریعہ آن لائن اور آف لائن دونوں طریقوں سے نتائج جاری کرتی تھیں، لیکن اس بار حکومت نے روایتی انداز سے ہٹ کر براہ راست انٹرمیڈیٹ بورڈ کی ویب سائٹ پر نتائج فراہم کرنے کا فیصلہ کیا ہے۔
حیدرآباد: آندھرا پردیش انٹرمیڈیٹ امتحانات کے نتائج جاری کر دیئے گئے۔ صبح 11 بجے وزیر آئی ٹی وتعلیم نارا لوکیش نے سال اول اورسال دوم کے نتائج کا اعلان کیا۔ لوکیش نے بتایا کہ طلبہ سرکاری ویب سائٹ کے ذریعہ اپنے نتائج معلوم کر سکتے ہیں۔ ساتھ ہی، حکومت کی جانب سے شروع کردہ منامترا واٹس اپ سروس کے ذریعہ بھی نتائج حاصل کئے جا سکتے ہیں۔
اس موقع پرانہوں نے طلبہ کو نیک تمنائیں پیش کرتے ہوئے کہا کہ انٹرمیڈیٹ کے نتائج طلبہ کے روشن مستقبل کی راہیں ہموار کریں گے۔ اس بار حکومت نے تجرباتی بنیاد پر انٹرمیڈیٹ کے پہلے اور دوسرے سال کے نتائج جاری کرنے کا نیا طریقہ اپنایا ہے۔
عام طور پر سابقہ حکومتیں میڈیا کانفرنس کے ذریعہ آن لائن اور آف لائن دونوں طریقوں سے نتائج جاری کرتی تھیں، لیکن اس بار حکومت نے روایتی انداز سے ہٹ کر براہ راست انٹرمیڈیٹ بورڈ کی ویب سائٹ پر نتائج فراہم کرنے کا فیصلہ کیا ہے۔
