انٹرمیڈیٹ کے نتائج اِس تاریخ کو جاری کردیئے جائیں گے

حیدرآباد: انٹرمیڈیٹ کے نتائج 22 اپریل کو جاری کیے جائیں گے۔ تلنگانہ انٹرمیڈیٹ بورڈ نے اعلان کیا ہے کہ پہلے سال اور دوسرے سال دونوں کے نتائج ایک ساتھ جاری کیے جائیں گے۔

بورڈ کے مطابق، منگل 22 اپریل کو دوپہر 12 بجے ریاست کے نائب وزیر اعلیٰ بھٹی وکرامارکا ان نتائج کا اعلان کریں گے۔

طلباء و طالبات اپنے نتائج انٹرمیڈیٹ بورڈ کی سرکاری ویب سائٹس tsbie.cgg.gov.in یا results.cgg.gov.in پر آن لائن دیکھ سکتے ہیں۔

انٹرمیڈیٹ امتحانات 5 مارچ سے 25 مارچ تک ریاست بھر میں 1,532 امتحانی مراکز میں منعقد کیے گئے تھے۔ ان امتحانات میں مجموعی طور پر 9,96,971 طلباء و طالبات نے شرکت کی، جن میں تقریباً 4.88 لاکھ فرسٹ ایئر اور 5 لاکھ سے زائد سیکنڈ ایئر کے طلباء شامل تھے۔جوابی پرچوں کی جانچ کا عمل 18 مارچ سے شروع کیا گیا تھا، جو وقت مقررہ کے مطابق مکمل کیا گیا ہے۔