دبئی ایر پورٹ پر تلنگانہ کا شہری گرفتار، ایک ماہ کی سزا، غیر قانونی لین دین کا الزام

حیدرآباد: تلنگانہ کے ایک شہری کو متحدہ عرب امارات میں گرفتار کیا گیا اور اسے ایک ماہ قید کی سزا سنائی گئی، اس کے ساتھ ساتھ اس پر 9,900 درہم کا جرمانہ عائد کر دیا گیا۔ متاثرہ شخص کا نام کڈا ملیش بتا یا گیا ہے۔ جو جگتیال کا رہائشی بتا یا گیا ہے۔

تاہم ملیش نے حکام کو بتایا کہ اس کا اکاؤنٹ اس کی رضامندی کے بغیر استعمال کیا گیا تھا اور وہ کسی بھی طرح سے اس جعلی لین دین میں ملوث نہیں تھا۔کدا ملیش نامی یہ کارکن،رائس الخیمہ میں مہمان نوازی کے ادارے میں کلینر کے طور پر ملازم تھا۔

جب وہ 10 فروری 2025 کو وطن واپس آرہا تھا تو اسے دبئی ایئرپورٹ پر امیگریشن پر روک دیا گیا جہاں اسے سفری پابندی کے باعث حراست میں لے لیا گیا۔ملیش کو پولیس اسٹیشن اور عدالت نے بتایا کہ اس کا بینک اکاؤنٹ غیر قانونی لین دین کے لئے استعمال کیا گیا ہے۔

تاہم ملیش نے حکام کو مطلع کیا کہ اس نے خود اس طرح کا لین دین نہیں کیا اور اس کا بینک اکاؤنٹ اس کی رضامندی کے بغیر استعمال کیا گیا۔ملیش کی بیوی، کڈا سریتا، جو جگتیال ضلع کے گاوں گولاپلی سے ہے، 22 جولائی کو حیدرآباد کے پرجا بھون میں پرواسی پرجاوانی سے رابطہ کیاہے۔

ان کی اہلیہ نے چیف منسٹر اے ریونت ریڈی کو ایک میمورنڈم پیش کیا، جس میں اپنے شوہر کے لئے مدد کی درخواست کی گئی تھی تاکہ وہ قانونی مدد حاصل کر سکے اور بحفاظت گھر واپس آ سکے۔

ملیش کے خاندان نے این آر آئی ایڈوائزری کمیٹی کے وائس چیرمین مندھا بھیم ریڈی کو نمائندگی سونپی اور تلنگانہ کی ریاستی حکومت پر زور دیا کہ وہ اپنے شوہر کا معاملہ اٹھائے۔