غزہ کے ہاسپٹل میں قبل ازوقت پیدا ہونے والے متعدد بچے شہید، گلی ہوئی لاشیں جن میں کیڑے پڑ گئے (دردناک ویڈیو)

تل ابیب: اسرائیلی فوج کا ایک اور ہولناک جنگی جرم سامنے آگیا۔ شمالی غزہ میں بچوں کے النصر ہاسپٹل میں قبل از وقت پیدا ہونے والے متعدد بچے شہید ہوگئے۔

اسرائیلی فوج نے کچھ ہفتے پہلے ان بچوں کے گھر والوں اور ہاسپٹل کے عملے کو اسلح کے زور پر ہاسپٹل سے باہر نکال دیا تھا۔

المشہد ٹی وی نے بچوں کے النصر ہاسپٹل کے ایمرجنسی روم کی ویڈیو جاری کی ہے، جس میں قبل از وقت پیدا ہونے والے اُن بچوں کی لاشیں پڑی دکھائی دیں جنہیں اسرائیلی فوج نے وہیں اکیلا چھوڑ دیا تھا۔

فوٹیج میں نوزائدہ بچوں کی گلی ہوئی لاشیں دیکھی گئیں، جن میں کیڑے پڑ گئے ہیں۔شمالی غزہ میں بچوں کے النصر ہاسپٹل کو اسرائیلی فورسز نے 10 نومبر کے حملوں میں ناکارہ بنا دیا تھا۔

ہاسپٹل کو ٹینکوں سے گھیر کر وہاں موجود تمام لوگوں کو آدھے گھنٹے کے اندر ہاسپٹل خالی کرنے کا حکم دیا تھا۔

ڈاکٹروں کے مطابق اسرئیلی فوج نے ڈاکٹروں کو قبل از وقت پیدا ہونے والے بچوں کو وہاں سے لے جانے کی اجازت نہیں دی تھی۔