جمائمہ روڈریگس کی ذمہ دارانہ کپتانی سے دہلی کی پلے آف کی امیدیں بر قرار

وڈودرا: جمائمہ روڈریگس (51 ناٹ آؤٹ) کی ذمہ دارانہ کپتانی اننگ کی بدولت دہلی کیپٹلس نے منگل کو ممبئی انڈینس کو سات وکٹوں سے شکست دے کر ویمنس پریمیئر لیگ کے پلے آف میں پہنچنے کی اپنی امیدوں کو زندہ رکھا۔

ممبئی نے نٹ شیور برنٹ (ناٹ آؤٹ 65) کی شاندار نصف سنچری کی بدولت پانچ وکٹ پر 154 رنز کا قابل احترام اسکور بنایا۔ تاہم دہلی نے 19 اوور میں تین وکٹ پر 155 رن بنا کر امید برقرار رکھنے والی جیت حاصل کی۔ جمائمہ نے 37 گیندوں پر ناقابل شکست 51 رنز میں پانچ چوکے اور ایک چھکا لگایا۔ ماریزان کپ نے 6 گیندوں پر ناقابل شکست 10 رنز بنائے اور جیت کا چھکا لگایا۔ جمائمہ اور کپ نے 17 گیندوں پر 37 رنز کی ناقابل شکست میچ وننگ شراکت داری کی۔

اوپنر شفالی ورما نے 24 گیندوں پر 29 رن میں چھ چوکے لگائے جبکہ لیزیل لی نے 28 گیندوں پر 46 رن میں چھ چوکے اور ایک چھکا لگایا۔ لورا وولفارٹ نے 19 گیندوں پر 17 رنز بنائے۔ دہلی نے اس جیت سے ممبئی سے اپنی پچھلی شکست کا بدلہ لے لیا۔

اس جیت سے دہلی کیمپ میں جشن کا ماحول بن گیا۔ آج رات پیچھا کرنے کے بارے میں کوئی تناؤ نہیں تھا۔ ان کی ٹیم کی پرسکون اور کول کپتان جمائمہ روڈریگس نے اپنی ٹیم کو جیت دکائی۔ شفالی اور لیزیل لی نے ایک بار پھر 63 رنز کی اٹیکنگ اوپننگ پارٹنرشپ کے ساتھ ٹیم کو ایک اچھا پلیٹ فارم فراہم کیا۔ جب شفالی آؤٹ ہوئیں تو مومنٹم سست ہوگیا اور لی کے آؤٹ ہونے کے بعد میچ سخت ہو گیا۔ اس کے باوجود، دہلی نے ضرورت پڑنے پر باؤنڈری ماری اور جمائمہ وکٹوں کے درمیان بھی کافی ایکٹو تھیں۔ انہوں نے صحیح وقت پر خطرہ مول لیا اور وہ کامیاب رہیں۔ تاہم، ممبئی نے خراب فیلڈنگ کی اور آخر میں، وہ شاید 15 رنز پیچھے رہ گئے۔

ٹاس ہارنے کے بعد بلے بازی کرنے اتری ممبئی کے لئے شیور برنٹ نے محض 45 گیندوں پر 65 رنز کی شاندار ناقابل شکست اننگ کھیلی، جس میں چھ چوکے اور دو چھکے شامل تھے۔ کپتان ہرمن پریت کور نے اپنی شاندار فارم کو جاری رکھتے ہوئے 33 گیندوں پر 41 رنز بنائے، جس میں سات چوکے شامل تھے۔ ہیلی میتھیوز اور نکولا کیری نے 12،12 رنز بنائے۔

ممبئی کے اوپنرز زیادہ رنز نہیں بنا سکے، لیکن ہرمن پریت اور شیور برنٹ اچھی فارم میں تھیں۔ ہرمن پریت نے کچھ شاندار شاٹس کھیلے اور ایک اوور میں شفالی کے خلاف چوکوں کی ہیٹ ٹرک کی۔ جب ایسا لگ رہا تھا کہ وہ بڑے اسکور کی طرف بڑھ رہی ہیں، تو وہ لانگ آن پر کیچ آؤٹ ہو گئیں۔ لیکن شیور برنٹ ابھی بھی کریز پر تھیں اور اس بات کو یقینی بنایا کہ وہ آخر تک وہیں رہیں۔

دہلی نے 18 ویں اور 19 ویں اوور میں اچھی گیند بازی کی، صرف 11 رنز دیے اور اس بات کو یقینی بنایا کہ شیور برنٹ بڑے شاٹس نہ لگا سکیں۔ سنسکرتی گپتا کی اننگ کے آخر میں لگائے گئے چھکے سے ممبئی 150 کے پار پہنچ گئی۔ دہلی نے ماریزان کپ کو سیدھے ایک اسپیل میں ٹاپ پر استعمال کیا اور وہ شاندار تھیں، نندنی نے ایک بار پھر اپنے ویری ایشن سے متاثر کیا۔

دہلی کے لیے شری چرنی نے 33 رنز دے کر سب سے زیادہ تین وکٹ لیے۔