جسٹس ڈی وائی چندرچوڑ نے ہندوستان کے 50ویں چیف جسٹس کے طور پر حلف لے لیا
جسٹس ڈی وائی چندرچوڑ (دھننجے یشونت چندرچوڑ) 11 نومبر 1959 کو پیدا ہوئے۔ وہ 10 نومبر 2024 کو سپریم کورٹ کے جج کے عہدے کے لئے مقررہ 65 سال کی عمر میں ریٹائر ہو جائیں گے۔
نئی دہلی: جسٹس ڈی وائی۔ چندر چوڑ نے چہارشنبہ کو ہندوستان کے 50ویں چیف جسٹس کے طور پر حلف لے لیا۔ صدر جمہوریہ ہند دروپدی مرمو نے راشٹرپتی بھون میں سینئر جج کو چیف جسٹس کے عہدے کا حلف دلایا۔
اسی سال 17 اکتوبر کو صدر مرمو نے سپریم کورٹ کے سینئر جج جسٹس چندر چوڑ کو چیف جسٹس مقرر کیا تھا۔
جسٹس ڈی وائی چندرچوڑ (دھننجے یشونت چندرچوڑ) 11 نومبر 1959 کو پیدا ہوئے۔ وہ 10 نومبر 2024 کو سپریم کورٹ کے جج کے عہدے کے لئے مقررہ 65 سال کی عمر میں ریٹائر ہو جائیں گے۔
اس وقت کے چیف جسٹس آف انڈیا یو یو للت نے 11 اکتوبر کو مرکزی حکومت سے جسٹس چندر چوڑ کو اپنا جانشین بنانے کی سفارش کی تھی۔
سپریم کورٹ کی روایت کے مطابق عام حالات میں سینئر ترین جج کو چیف جسٹس بنانے کی روایت رہی ہے۔ جسٹس چندر چوڑ اس سلسلے میں جسٹس للت کے بعد آتے ہیں۔
جسٹس للت نے 27 اگست 2022 کو ہندوستان کے 49ویں چیف جسٹس کے طور پر حلف لیا تھا۔ وہ چیف جسٹس کے طور پر 74 دن کی مختصر مدت ملازمت کے بعد 8 نومبر 2022 کو 65 سال کی عمر میں ریٹائر ہوئے۔
جسٹس ڈی وائی چندر چوڑ کے والد جسٹس وائی وی چندرچوڑ سب سے طویل مدت تک – تقریباً سات سال اور چار ماہ تک ہندوستان کے چیف جسٹس رہے ہیں۔
جسٹس وائی وی چندرچوڑ 22 فروری 1978 سے 11 جولائی 1985 تک چیف جسٹس رہے۔
