کنگنا رناوت کی فلم ’ایمرجنسی‘ پنجاب میں ریلیز نہیں ہو سکی
سکریٹری پرتاپ سنگھ نے کہا کہ کل ایس جی پی سی کے صدر ایڈوکیٹ ہرجیندر سنگھ دھامی نے وزیر اعلیٰ کو خط لکھ کر پنجاب میں فلم پر پابندی لگانے کے لیے کہا تھا، لیکن افسوسناک بات یہ ہے کہ پنجاب میں اے اے پی حکومت سکھوں کے مسائل کو جان بوجھ کر نظر انداز کر رہی ہے۔ یہ ریاست کے مفاد میں نہیں ہے۔
چنڈی گڑھ: شرومنی گردوارہ پربندھک کمیٹی (ایس جی پی سی) کے صدر ایڈوکیٹ ہرجیندر سنگھ دھامی کی ہدایت پر، ایس جی پی سی ارکان نے جمعہ کو فلم اداکارہ اور ہماچل پردیش سے بھارتیہ جنتا پارٹی کی رکن پارلیمنٹ کنگنا رناوت کی فلم ‘ایمرجنسی’ کی ریلیز روکنے کے لئے پنجاب بھر کے سینما ہالز کے باہر شدید احتجاج کیا۔
احتجاج کے پیش نظر سینما انتظامیہ نے فلم ‘ایمرجنسی’ کی نمائش نہ کرنے کا فیصلہ کیا۔ ایس جی پی سی کے احتجاج کو دیکھتے ہوئے سنیما انتظامیہ نے فلم ایمرجنسی کی نمائش نہ کرنے کا فیصلہ کیا جس کے بعد شرومنی کمیٹی نے احتجاج ختم کردیا۔
فلم کے خلاف امرتسر میں پی وی آر سنیما (سورج چندا تارا)، ٹریلیم مال اور الفا ون مال میں احتجاج کیا، جس کی قیادت ایس جی پی سی کے چیف سکریٹری کلونت سنگھ منن، ممبران ایڈوکیٹ بھگونت سنگھ سیالکا، بھائی عجائب سنگھ ابھیاسی اور سکریٹری پرتاپ سنگھ نے کی۔
اس موقع پر کلونت سنگھ منن نے کہا کہ کنگنا رناوت کی ہدایت کاری میں بننے والی فلم ’ایمرجنسی‘ میں سکھ کرداروں کو غلط انداز میں پیش کیا گیا ہے، جس کے خلاف ایس جی پی سی نے پہلے ہی اعتراض درج کرایا ہے۔
انہوں نے کہا کہ افسوس کی بات ہے کہ پنجاب حکومت نے اب تک فلم کو روکنے کے لیے کوئی قدم نہیں اٹھایا ہے۔ انہوں نے ایس جی پی سی کے احتجاج کے بعد سنیما انتظامیہ کے فلم کی نمائش نہ کرنے کے فیصلے کا خیرمقدم کیا۔
مان نے کہا کہ ایس جی پی سی اس فلم کو پنجاب میں کسی بھی قیمت پر ریلیز نہیں ہونے دے گی۔ اگر کسی نے فلم چلانے کی کوشش کی تو شرومنی کمیٹی دوبارہ احتجاج کرے گی۔ دریں اثنا شرومنی گردوارہ پربندھک کمیٹی کے ارکان ایڈوکیٹ بھگونت سنگھ سیالکا اور بھائی عجائب سنگھ ابھیاشی نے کہا کہ کسی بھی سکھ مخالف فعل کو برداشت نہیں کیا جائے گا اور یہ حکومتوں کی بھی ذمہ داری ہے کہ وہ ہر مذہب کے مفادات اور جذبات کا احترام کریں۔
سکریٹری پرتاپ سنگھ نے کہا کہ کل ایس جی پی سی کے صدر ایڈوکیٹ ہرجیندر سنگھ دھامی نے وزیر اعلیٰ کو خط لکھ کر پنجاب میں فلم پر پابندی لگانے کے لیے کہا تھا، لیکن افسوسناک بات یہ ہے کہ پنجاب میں اے اے پی حکومت سکھوں کے مسائل کو جان بوجھ کر نظر انداز کر رہی ہے۔ یہ ریاست کے مفاد میں نہیں ہے۔
امرتسر میں مظاہرے کے دوران شرومنی کمیٹی کے چیف سکریٹری منن، ممبر ایڈوکیٹ بھگونت سنگھ سیالکا، بھائی عجائب سنگھ ابھیاسی، او ایس ڈی ستبیر سنگھ دھامی، سکریٹری پرتاپ سنگھ، ایڈیشنل سکریٹری گریندر سنگھ ماتھریوال، بیجے سنگھ، تاجندر سنگھ پڈا، پریت پال سنگھ، پرائیویٹ سکریٹری شہباز سنگھ، شری دربار صاحب کے مینیجربھگونت سنگھ ڈھنگیڈا،
ڈپٹی سکریٹری جسوندر سنگھ جسی، پروفیسر سکھ دیو سنگھ، گروچرن سنگھ کوہالہ، گرنام سنگھ، بلوندر سنگھ خیرآباد، منجیت سنگھ تلونڈی، ہربھجن سنگھ، صدر سکھبیر سنگھ، سپرنٹنڈنٹ نشان سنگھ، ملکیت سنگھ بہیڈوال اور شرومنی کمیٹی، دھرم پرچار کمیٹی اور سری دربار صاحب کے اسٹاف بھی موجود تھے۔
