سدھاکر ریڈی کی موت پر کویتا کا اظہاردکھ

حیدرآباد: بی آر ایس کی سینئر لیڈر و رکن قانون ساز کونسل کویتا نے سی پی آئی کے سینئر رہنما اور سابق قومی جنرل سکریٹری ایس سدھاکر ریڈی کی موت پر گہرے دکھ کا اظہار کیا۔

کویتا نے ٹویٹ کے ذریعہ اپنے تعزیتی بیان میں کہا کہ سدھاکر ریڈی کی موت ملک کے لیے ایک ناقابلِ تلافی نقصان ہے۔ وہ اپنی آخری سانس تک ایک پابند عہد کمیونسٹ رہنما کے طور پر جدوجہد کرتے رہے۔

ان کی وابستگی اور عملی طرزِ زندگی آئندہ نسلوں کے لیے مشعلِ راہ ہے۔

انہوں نے سدھاکر ریڈی کے غمزدہ ارکان خاندان سے دلی تعزیت کا اظہار کیا۔