کے سی آر کو صحت یاب ہونے میں 8 ہفتے لگیں گے: ڈاکٹرس

حیدرآباد: بی آر ایس سربراہ کے سی آر اسپتال میں زیر علاج ہیں۔ جمعرات کی رات کے سی آر پاؤں پھسل کر گرجانے سے وہ شدید زخمی ہوگئے تھے۔ انہیں فورطورپر سوماجی گورہ کے یشودا اسپتال میں شریک کروایا گیا۔

ڈاکٹروں نے معائنہ کے بعد کہاکہ کے سی آر کے کولہے ہڈی ٹوٹ گئی ہے۔ اُنہیں آئی سی یو میں رکھا گیا ہے۔ ڈاکٹروں نے کہاکہ ان کی صحت اب مستحکم ہے۔ کے سی آر کی آج شام کولہے کی تبدیلی کی سرجری کی جائے گی۔

وزیر اعظم نریندرمودی نے بھی کے سی آر کی صحت کے بارے میں افسوس کا اظہار کیا۔ سوشل میڈیا ایکس پر مودی نے کہاکہ کے سی آر کی چوٹ کے بارے میں سنا تو مجھے بہت دکھ ہوا۔ اُنہوں نے کہاکہ وہ خدا سے دعا کرتے ہیں کہ کے سی آر جلد سےجلد صحت ہوجائیں۔

ایم ایل سی کویتا نے بھی ایکس پر بی آر ایس سربراہ کے سی آر کی صحت کے بارے میں ٹویٹ کیا ہے۔ بتایاجاتا ہے کہ کے سی آر کو معمولی چوٹیں آئی ہیں اور وہ فی الحال ڈاکٹروں کی نگرانی میں ہیں۔ اُنہوں نے کہاکہ وہ جلد صحت یاب ہوجائیں گے۔ کویتا نے کے سی آر کیلئے فکرمند عوام کا شکریہ ادا کیا۔