کے ٹی آر نے رکن اسمبلی بالراجو کی عیادت کی

حیدرآباد: کارگزار صدر بی آر ایس کے ٹی راما راؤ نے کانگریس پر امکانی شکست کے خوف سے بوکھلاہٹ کا شکار ہوجانے کا الزام عائد کیا۔ آج اپولو ہاسپٹل پہنچ کر کانگریس کے غنڈہ  عناصر کے حملہ میں زخمی ہوئے اچم پیٹ رکن اسمبلی جی بالراجو کی عیادت کرنے کے بعد انہوں نے کہا کہ بوکھلاہٹ کی شکار کانگریس اپنے حریفوں پر حملہ کررہی ہے۔

 ایسی گندی سیاست انہوں نے پہلی بار دیکھی ہے۔ کے ٹی راما راؤ نے کہا کہ کل ایسے حالات سے انہیں بھی سامنا کرنا پڑسکتا ہے۔ انہوں نے ڈی جی پی انجنی کمار سے بالراجو کی سیکوریٹی میں اضافہ کرنے کا مطالبہ کیا کے ٹی راما راؤ نے کہا کہ تلنگانہ میں پھر بی آر ایس ہی کی حکومت بنے گی۔