حیدرآباد کے مضافات سے تیندوے کو پکڑاگیا

حیدرآباد: حیدرآباد کے مضافات سے تیندوے کو پکڑاگیا۔مختلف علاقوں گنڈی پیٹ، معین آباد اور شیخ پیٹ منڈل میں عوام کو کئی دنوں سے یہ تیندوا خوفزدہ کررہا تھا جو آخرکار محکمہ جنگلات کے جال میں پھنس گیا۔ گزشتہ تقریباً 20 دنوں سے یہ مختلف مقامات پر گھوم رہا تھا۔

تیندوا منچریولا فاریسٹ ٹیک پارک میں نصب کردہ خصوصی پنجرے میں پکڑاگیا۔ پنجرے میں اس کے داخل ہوتے ہی مقامی عوام نے سکون کی سانس لی۔

محکمہ جنگلات کے عہدیداران نے بتایا کہ تیندوا کو نہرو زو پارک منتقل کیا گیا۔ انہوں نے یہ بھی واضح کیا کہ تیندوے کو بغیر کسی نقصان کے پکڑنے کے لیے مکمل احتیاط برتی گئی تھی۔