سری لنکا کی لڑکی کی آندھرا کے لڑکے سے محبت کی شادی

حیدرآباد: سرحد پاراپنی محبت سے ملنے کیلئے ایک لڑکی سری لنکا سے ہندوستان آگئی اور عاشق و معشوق شادی کے اٹوٹ بندھن میں بندھ گئے۔سوشیل میڈیا کے ذریعہ آندھراپردیش کے ضلع چتور سے تعلق رکھنے والے لڑکے لکشمن کی دوستی سری لنکاکی لڑکی سے سوشیل میڈیا کے ذریعہ ہوگئی۔

ان کی دوستی تقریبا سات سال رہی اور بالاخر انہوں نے شادی کا فیصلہ کیا۔سری لنکا کی وگنیشوری ٹورسٹ ویزا پر چینئی پہنچی۔ایک دوسرے کو ان دونوں نے پہلی مرتبہ دیکھا۔

لکشمن نے اس کا تعارف اپنے گھر والوں سے اپنے آبائی علاقہ وینکٹ گری کوٹہ میں کروایا۔ان کی شادی آپسی رضامندی کے ساتھ مندر میں ہوگئی۔