چھتر پور میٹرو اسٹیشن کے قریب دلی ہاٹ میں شدید آگ، 40 دکانیں خاکستر

نئی دہلی: جنوبی دہلی کے چھتر پور میٹرو اسٹیشن کے قریب امبیڈکر کالونی میں واقع دلی ہاٹ میں اتوار کی صبح شدید آگ بھڑک اٹھی، جس کی زد میں آکر تقریباً 40 دکانیں جل کر راکھ ہو گئیں۔

فائر بریگیڈ کے ایک اہلکار کے مطابق، انہیں صبح تقریباً 7:30 بجے واقعے کی اطلاع ملی۔ اطلاع دینے والے نے بتایا کہ دلی ہاٹ کی دکانوں میں آگ لگ گئی ہے۔

شروع میں آگ بجھانے کے لیے فائر بریگیڈ کی چھ گاڑیاں موقع پر روانہ کی گئیں۔ بعد ازاں، مزید دس یونٹس کو جائے وقوعہ پر بھیجا گیا۔ مقامی پولیس کی ٹیم بھی فائر فائٹرز کی مدد کے لیے علاقے میں پہنچ گئی اور پورے علاقے کی ناکہ بندی کر دی گئی۔

آگ پر صبح 9:10 بجے تک قابو پا لیا گیا تھا۔

فائر حکام نے بتایا کہ "آگ نے تقریباً 40 چھوٹی دکانوں کو متاثر کیا ہے۔ فی الحال کولنگ آپریشن جاری ہے۔”