رمضان المبارک کا مہینہ ہر کسی کیلئے خوشحالی کی نوید لے کر آئے :وزیر اعظم مودی

سری نگر: وزیر اعظم نریندر مودی نے جمعرات کے روز ملک کے عوام کورمضان المبارک کے مقدس مہینے کی آمد پر مبارکباد پیش کی ہے۔ سری نگر میں عوامی جلسے سے خطاب کے دوران وزیر اعظم نریندر مودی نے رمضان المبارک کی آمد پر ملک کے عوام کے تئیں اپنی نیک تمناوں کا اظہار کیا ہے۔

اپنے خطاب میں پی ایم مودی نے کہاکہ کچھ ہی دنوں میں امن اور عبادت کا مہینہ رمضان المبارک شروع ہونے جارہا ہے ۔

وزیر اعظم نے کہا:’میں جموں وکشمیر کی سرزمین سے پورے ملک کے عوام کو اس متبرک مہینے کی آمد پر مبارکباد پیش کرتاہوں۔‘ انہوں نے مزید کہاکہ رمضان المبارک کا مہینہ ہر کسی کے لئے شانتی اور خوشحالی کی نوید لے کر آئے ۔