میڈی گڈہ بیریج کامرکزی ٹیم نے معائنہ کیا

حیدرآباد: مرکزی ٹیم نے کالیشورم پراجکٹ کے میں میڈی گڈہ(لکشمی) بیریج کے بریج کے دھنس جانے کے مقام کا معائنہ کیا۔

مرکزی حکومت نے اس واقعہ پر 6ماہرین پر مشتمل ایک کمیٹی تشکیل دی ہے۔ نیشنل ڈیم سیفٹی اتھارٹی کے انل جین کی زیرقیادت تشکیل دی گئی کمیٹی نے منگل کو بیریج کا معائنہ کیا۔

کمیٹی جائزہ کے بعد مرکزی ہائیڈرو پاور ڈپارٹمنٹ کو رپورٹ کرے گی۔ کالیشورم ای این سی وینکٹیشورلو اور ایل اینڈ کے نمائندے مرکزی ٹیم کے ساتھ تھے۔

میڈی گڈہ بیریج کے ٹوٹنے کے بعد پانی چھوڑا گیا۔ اس وقت پانی کی سطح کم ترین سطح پر پہنچ گئی ہے۔

22,500 کیوسک کا سیلاب بیراج کے اوپر سے 57 دروازوں سے نیچے کی طرف چھوڑا جا رہا ہے۔

جاریہ ماہ کی 21 تاریخ کی رات کو بی بلاک میں ستون 18، 19، 20 اور 21 کے درمیان پل ایک فٹ تک دھنس گیا ہے۔