مائیک ٹائسن کو جیک پال کے خلاف شکست، عظیم باکسر نے شائقین کے دل جیت لئے
ٹائیسن پہلے دو راؤنڈ کے بعد تھکے ہوئے نظر آئے۔ عمر اسے اپنی گرفت میں لے رہی تھی لیکن اس کے باوجود وہ آٹھویں دور تک اپنے پیروں پر ڈٹے رہے۔ یہ نوجوانوں کیلئے بہت متاثرکن تھا۔ تاہم ٹائسن کو ایک بار پھر پروفیشنل باکسنگ میں شکست کا سامنا کرنا پڑا۔
نیویارک: مائیک ٹائسن، دنیا کے عظیم باکسرز میں سے ایک ہیں۔ وہ تقریباً دو دہائیوں کے بعد ہفتے کو پیشہ ورانہ فائٹ کیلئے واپس آئے۔ 58 سالہ ٹائیسن کا سامنا 27 سالہ سابق سوشل میڈیا پر اثر انداز کرنے والے اور پیشہ ور باکسر جیک پال سے تھا۔ پال نے یہ میچ متفقہ طورپر جیتا لیکن ٹائسن آٹھ راؤنڈ تک ڈٹے رہے اور شائقین کے دل جیت لیے۔
سب سے بڑی بات یہ ہے کہ پال کو ناک آؤٹ ماسٹر سمجھا جاتا ہے لیکن وہ ٹائسن کو بھی ہلا نہیں سکے اور ٹائسن آٹھویں راؤنڈ تک مقابلہ میں رہے۔ پال نے میچ چار پوائنٹس سے جیتا۔ آٹھ راؤنڈ کے بعد پال کو 78 پوائنٹس اور ٹائسن کو 74 پوائنٹس ملے۔ مائیک ٹائسن اور جیک پال کے درمیان لڑائی میں کل 8 راؤنڈ ہونے تھے۔ ہر دور دو منٹ کا تھا۔
دونوں باکسرز کا وزن 113 کلو سے زیادہ نہیں ہوسکتا تھا۔ پہلے راؤنڈ میں جج نے پال کو نو پوائنٹس اور ٹائسن کو 10 پوائنٹس دیئے۔ ساتھ ہی دوسرے راؤنڈ میں بھی جج نے پال کو نو پوائنٹس اور ٹائسن کو دس پوائنٹس دیئے۔ تاہم اس کے بعد تیسرے سے آٹھویں راؤنڈ تک جج نے پال کو 10-10 پوائنٹس دیے جبکہ ٹائسن کو نو پوائنٹس دیے۔ اس طرح پال کو 78 اور ٹائسن کو 74 پوائنٹس ملے۔
اس میچ سے قبل دونوں کھلاڑیوں کے درمیان آمنا سامنا ہوا تھا جہاں ٹائیسن نے جیک پال کو تھپڑ رسید کیا تھا۔ ٹائسن کے اس تھپڑ نے میچ کے جوش و خروش کو عروج پر پہنچا دیا تھا۔ تاہم میچ کے بعد پال نے اس تھپڑ کیلئے ٹائسن کا شکریہ ادا کیا۔
ٹائیسن پہلے دو راؤنڈ کے بعد تھکے ہوئے نظر آئے۔ عمر اسے اپنی گرفت میں لے رہی تھی لیکن اس کے باوجود وہ آٹھویں دور تک اپنے پیروں پر ڈٹے رہے۔ یہ نوجوانوں کیلئے بہت متاثرکن تھا۔ تاہم ٹائسن کو ایک بار پھر پروفیشنل باکسنگ میں شکست کا سامنا کرنا پڑا۔ میچ کے بعد ٹائیسن نے بھی پال کو مبارکباد دی اور گلے لگالیا۔
ٹائسن نے اس سے قبل اپنا آخری پروفیشنل میچ 2005 میں کھیلا تھا جس میں وہ آئرش کے کیون میک برائیڈ سے ہارگئے تھے۔ وہ جیک پال کے خلاف میچ سے بھی کروڑوں روپے کمائیں گے۔ جیک کو اس فائٹ کیلئے 40 ملین امریکی ڈالر ملیں گے جبکہ ٹائسن کو 20 ملین امریکی ڈالر (169 کروڑ روپے) ملیں گے۔
جیک پال کی بات کریں تو اس کھلاڑی کا قد چھ فٹ ایک انچ ہے۔ پال اب تک 12 فائٹ کھیل چکے ہیں جن میں سے وہ 11 جیت چکے ہیں۔ جیک پال نے ناک آؤٹ کے ذریعے سات فائٹ جیتے ہیں۔ مائیک ٹائسن کا قد 5 فٹ 10 انچ ہے۔ اس کھلاڑی نے 59 میں سے 50 فائٹ جیتے ہیں۔ مائیک ٹائسن نے ان میں سے 44 فائٹ ناک آؤٹ کرکے جیتے ہیں۔ مائیک ٹائسن اپنے کیریر میں صرف 7 فائٹ ہارے ہیں۔
