نائیجیریا مودی کو ’دی گرینڈ کمانڈر آف دی آرڈر آف دی نائجر‘ سے نوازے گا

نئی دہلی/ابوجہ: نائیجیریا وزیر اعظم نریندر مودی کو اپنے ملک کے باوقار ایوارڈ ’دی گرینڈ کمانڈر آف دی آرڈر آف دی نائجر‘ سے نوازے گا۔

وزیر اعظم کے دفتر نے اتوار کو کہا کہ نائیجیریا کے دورے پر آئے مسٹر مودی کو نائجیرین ایوارڈ سے نوازا جائے گا۔

برطانیہ کی ملکہ الزبتھ واحد غیر ملکی شخصیت ہیں جنہیں 1969 میں یہ ایوارڈ دیا گیا تھا۔

کسی بھی ملک کی جانب سے مسٹر مودی کو دیا جانے والا یہ 17 واں بین الاقوامی اعزاز ہوگا۔ واضح رہے کہ مسٹر مودی اپنے تین ملکوں کے دورے کے پہلے مرحلے میں کل نائیجیریا پہنچے تھے۔