منی سوپراسپیشالیٹی ہاسپٹل کو اعزاز: ڈاکٹر صحیبہ شکور کو ایوارڈ عطا

حیدرآباد: منی سوپراسپیشالیٹی ہاسپٹل، راجندر نگر کے تاج میں ایک اور کامیابی کا اضافہ ہوا ہے۔ عالمی سطح پر مشہور ماہر امراض نسواں، ڈاکٹر صحیبہ شکور کو ان کی شاندار خدمات کے اعتراف میں تلنگانہ کے گورنر، جشنو دیو ورما کے ہاتھوں ایوارڈ سے نوازا گیا۔

یہ اعزاز کونسل فار انڈسٹریل اینڈ ٹریڈ ڈیولپمنٹ انڈیا کی جانب سے 49ویں سی آئی ٹی ڈی گلوبل انڈسٹریل پروموشن ایوارڈز 2024 کی تقریب میں پیش کیا گیا۔

یہ تقریب حیدرآباد کے گرین پارک ہوٹل، بیگم پیٹ میں منعقد ہوئی۔ گورنر تلنگانہ نے تقریب میں شرکت کی اور ڈاکٹر صحیبہ شکور کو شعبہ امراض نسواں (گائناکولوجی) میں ان کی غیرمعمولی خدمات پر اعزاز سے نوازا۔

ڈاکٹر صحیبہ شکور مشہور ماہر امراض چشم ڈاکٹر ہدایت اللہ خان کی شریک حیات ہیں۔ یہ ڈاکٹر جوڑا طبی شعبے میں اپنی شاندار خدمات کے لئے جانا جاتا ہے۔

دونوں غریب اور ضرورت مند مریضوں کی مدد کے لئے ناقابل فراموش کردار ادا کر رہے ہیں۔

یہ اعزاز نہ صرف منی سوپراسپیشالیٹی ہاسپٹل کے لیے بلکہ ان کے مریضوں اور پورے شعبہ صحت کے لیے بھی ایک اعزاز کی حیثیت رکھتا ہے۔