حیدرآبادمیں مس ورلڈ مقابلہ۔کھیل اور ثقافتی حلقوں میں زبردست جوش و خروش

حیدرآباد: حیدرآباد میں ہونے والے مس ورلڈمقابلہ نے ریاست تلنگانہ کے کھیل اور ثقافتی حلقوں میں زبردست جوش و خروش پیدا کر دیا ہے۔

سرکردہ باکسر اور دو مرتبہ کی عالمی چیمپیئن نکہت زرین نے اس مقابلے کو خود مختاری، تنوع اور عالمی اتحاد کا ایک پلیٹ فارم قرار دیا۔

انہوں نے مزید کہا کہ یہ ریاست کی ثقافتی ورثہ کو دنیا کے سامنے پیش کرنے کا ایک سنہری موقع ہے۔

اولمپک میڈلسٹ پی وی سندھو نے بھی اپنے خیالات کا اظہار کرتے ہوئے کہا”یہ پہلے کبھی نہ دیکھا گیا جشن ہے، جو خوبصورت مقامات پر پھیلا ہوا ہے۔

یہ ایک عالمی اسٹیج ہے جہاں حسن، ثقافت اور اثر ایک ساتھ آتے ہیں۔“مس ورلڈ 2025 کا فائنل 31 مئی کو ہائی ٹیکس ایگزیبیشن سنٹر میں منعقد ہوگا جبکہ پورے مہینے مختلف تقاریب ہوں گی جن میں عالمی ٹیلنٹ اور ریاست تلنگانہ کی بھرپور ثقافت کو اجاگر کیا جائے گا۔