فٹ پاتھ پر رہنے والے شخص کا قتل

حیدرآباد: شہرحیدرآباد میں فٹ پاتھ پر رہنے والے ایک شخص کے قتل کی واردات پیش آئی۔کل شب نامعلوم حملہ آوروں نے اس شخص کا قتل کردیا۔مقتول کی شناخت سرینو کے طورپر کی گئی ہے جو چکڑپلی علاقہ کے وویک نگر کے فٹ پاتھ پر سورہا تھاکہ نامعلوم افراد نے اس کے سرپروزنی پتھر ڈال دیا جس کے نتیجہ میں وہ موقع پر ہی ہلاک ہوگیا۔

اطلاع پر چکڑپلی پولیس وہاں پہنچی جس نے ضابطہ کی کارروائی کی۔پولیس نے لاش کو پوسٹ مارٹم کے لئے بھیج دیا۔پولیس نے اس سلسلہ میں ایک معاملہ درج کرکے جانچ شروع کردی۔

پولیس نے شبہ ظاہر کیا کہ بعض مسائل کے سبب اس کے قتل کی واردات پیش آئی۔پولیس سی سی ٹی وی فوٹیجس کی بنیاد پر قاتلوں کی تلاش کاکام کررہی ہے۔