بہار میں این ڈی اے حلیفوں کو خودغرضی چھوڑنی ہوگی: کشواہا

پٹنہ (پی ٹی آئی) راشٹریہ لوک مورچہ (آر ایل ایم) کے صدر اور سابق مرکزی وزیر اوپیندر کشواہا نے زور دے کر کہا کہ بی جے پی زیرقیادت این ڈی اے کو بہار اسمبلی الیکشن جیتنے کا اچھا موقع ہے بشرطیکہ سیلف گول / خودغرض مقاصد نہ ہوں۔

کشواہا جمعہ کے دن ریاستی دارالحکومت پٹنہ میں قدآور او بی سی قائد جگدیو پرساد کی برسی پر ایک ریالی سے خطاب کررہے تھے۔ جگدیو پرساد کو بہار کا لینن کہا جاتا ہے۔ کشواہا کا تعلق جگدیو پرساد کی ذات کویری سے ہے۔

انہوں نے کہا کہ پچھلے اسمبلی الیکشن میں ہم نے اچھا مظاہرہ کیا تھا اور اس سے بھی اچھا مظاہرہ کرسکتے تھے اگر خودغرض مقاصد نہ ہوتے۔ اسمبلی الیکشن میں ہماری کارکردگی بہتر ہوسکتی ہے لیکن یہ یقینی بنانا ہوگا کہ اِس بار کسی کے کوئی خودغرض مقاصد نہ ہوں۔

#WATCH | Patna, Bihar: At the party's Maha Rally, Rashtriya Lok Morcha (RLM) national president Upendra Kushwaha says, "…NDA Government is doing good work in the state and at the Centre. This Government has to be brought back to power (in Bihar). People have come here with that… pic.twitter.com/yi8VT7C7uB

— ANI (@ANI) September 5, 2025

پارلیمانی حلقوں کی ازسرنو حدبندی کا مطالبہ کرنے والے سابق مرکزی وزیر نے کہا کہ یہ اہم مسئلہ ہے جو میں بہار اور ملک کے دیگر حصوں میں اٹھاتا رہتا ہوں۔ حلقوں کی ازسرنو حدبندی ٹھیک طرح کی جائے تو بہار کو فائدہ ہوگا۔ آبادی کے لحاظ سے ریاست میں لوک سبھا کی 60 نشستیں ہونی چاہئیں جبکہ 40 ہیں۔