نکہت زرین کوجوبلی ہلزمیں امکنہ اراضی حوالے

حیدرآباد: بین لاقوامی سطح پرباکسنگ مقابلوں میں سحر انگیزمظاہرہ پیش کرتے ہوئے ملک کے نام اور وقارکومسلسل بلندیوں پر پہنچانے مصروف نکہت زرین کوریاستی حکومت کی جانب سے امکنہ اراضی فراہم کرنے کا فیصلہ کیاگیا۔

شہر کے پاش علاقہ جوبلی ہلز میں 600 گز اراضی منظور کی گئی۔ آج ریاستی وزیر اسپورٹس وی سرینواس گوڑ نے نکہت زرین کے والد محمدعبدالجمیل کو اراضی کے کاغذات حوالہ کئے۔

سرینواس گوڑ نے کہاکہ بہت جلدنکہت زرین گوگروپ I عہدہ پر تقررکیاجائے گا۔ واضح رہے کہ گزشتہ سال ترکیہ میں منعقدہ بین لاقوامی ویمن باکسنگ چمپئن شپ میں نکہت زرین نے سونے کا تمغہ حاصل کیاتھا۔

چیف منسٹرکے چندرشیکھرراؤ نے دختر تلنگانہ نکہت زرین کے کارناموں کا اعتراف کرتے ہوئے انہیں دوکروڑ نقد اور بنجارہ ہلز یا جوبلی ہلز میں امکنہ پلاٹ دینے کا اعلان کیاتھا۔

گزشتہ سال نکہت زرین کو دو کروڑ روپے کا چیک حوالہ کیا گیاتھا۔ آج وی سرینواس گوڑنے جوبلی ہلز میں 600 گز اراضی کے دستاویزات حوالے کیئے۔