کانگریس میں شمولیت کا کوئی ارادہ نہیں: پرکاش گوڑ

حیدرآباد: بی آر ایس رکن اسمبلی حلقہ راجندر نگر پرکاش گوڑ نے کہا کہ ان کا کانگریس میں شامل ہونے کا کوئی ارادہ نہیں ہے۔

بعض گوشوں کی جانب سے ان کے کانگریس میں شامل ہونے سے متعلق گمراہ کن پروپگنڈہ کیا جارہا ہے۔ پرکاش گوڑ نے اخباری بیان میں بتایا کہ وہ حلقہ راجندر نگر کے ترقیاتی کام اور موسیٰ ندی کو خوبصورت بنانے اور بہادر پورہ کی اراضی اور دیگر مسائل حل کرنے کے لئے چیف منسٹر اے ریونت ریڈی سے ملاقات کی تھی۔

چیف منسٹر نے انہیں تمام مسائل حل کرنے کا تیقن دیا ہے۔ چیف منسٹر اے ریونت ریڈی نے ان کا پرتپاک استقبال کیا تھا۔ جس سے انہیں دلی مسرت ہوئی۔

واضح رہے کہ 28 جنوری کو پرکاش گوڑ نے چیف منسٹر اے ریونت ریڈی سے تقریباً دیڑھ گھنٹے تک ملاقات کی جس کے باعث ذرائع ابلاغ اور سوشیل میڈیا پر ان کے کانگریس میں شامل ہونے کا غلط پروپگنڈہ کیا گیا تھا جس کی پرکاش گوڑ نے تردید کردی۔