گرین انڈیا چیلنج کے تحت نوبل انعام یافتہ کیلاش ستیارتھی نے پودا لگایا

حیدرآباد: بی آر ایس رکن پارلیمنٹ جئے سنتوش کمار کی جانب سے شروع کردہ گرین انڈیا چیلنج پروگرام اپنی مقبولیت برقرار رکھے ہوئے ہے۔ آج گچی باؤلی میں ٹریپل آئی ٹی کیمپس میں منعقدہ گرین انڈیا چیلنج ستیارتھی پروگرام میں عالمی شہرت اور نوبل انعام یافتہ کیلاش ستیارتھی نے حصہ لیتے ہوئے پودا لگایا۔

اس پروگرام میں ٹریپل آئی ٹی کے پروفیسر پی جے نارائنا، طلباء گرین انڈیا چالینج کے بانی اراکین رگھو، کرونا کر کے علاوہ دیگر افراد نے حصہ لیا۔ اس موقع پر سنتوش کمار کو سبزہ کے فروغ کی اہمیت پر مشتمل کتابچہ اور کارٹونس کا تحفہ دیا گیا۔

 کیلاش ستیارتھی نے خطاب کرتے ہوئے کہا کہ ماحولیات کا تحفظ ہر شخص کی ذمہ داری ہے۔ اس سلسلہ میں سنتوش کمار کی جانب سے کی جارہی کوشش کی ستائش کی اور مستقبل کی نسلوں کیلئے اہم تحفہ ہے۔

گرین انڈیا چیلنج اپنے آپ میں ایک اہم تحریک ہے جس سے ہر شخض کو حصہ لیتے ہوئے مستقبل کی نسلوں کی زندگی کو خوشگوار بنانے میں مدد حاصل ہوگی۔