تلنگانہ آرٹی سی میں ملازمتوں کو پُرکرنے جلد نوٹیفکیشن: وزیرٹرانسپورٹ

حیدرآباد: تلنگانہ کے وزیر ٹرانسپورٹ پونم پربھاکر نے اعلان کیا ہے کہ تلنگانہ آر ٹی سی میں خالی ملازمتوں کو جلد ہی پُر کیا جائے گا۔

اُنہوں نے کہاکہ جلد ہی 3,038 ملازمتوں کے لئے نوٹیفکیشن جاری کیا جائے گا۔

ان ملازمتوں میں 2,000 ڈرائیورس، 743 شرامک (ورکرس)، 84 ڈپٹی سپرنٹنڈنٹ (ٹریفک)، 114 ڈپٹی سپرنٹنڈنٹ (میکانیکل)، 25 ڈپو منیجرس/اسسٹنٹ ٹریفک منیجرس، 18 اسسٹنٹ میکانیکل انجینئرس، 23 اسسٹنٹ انجینئرس (سیول)، 11 سکشن آفیسرس(سیول)، 6 اکاؤنٹس آفیسرس، 7 میڈیکل آفیسرس(جنرل) اور 7 میڈیکل آفیسرس(اسپیشلسٹ) کی ملازمتیں شامل ہیں۔