کرسمس کے موقع پر شرمیلا نے لوکیش کو تحفہ بھیجا

حیدرآباد: وائی ایس آرتلنگانہ پارٹی کی سربراہ وائی ایس شرمیلا نے آندھراپردیش کی اصل اپوزیشن تلگودیشم پارٹی کے جنرل سکریٹری و سابق وزیرلوکیش کو کرسمس کا تحفہ بھیجا۔

لوکیش نے اس سلسلہ میں ایک ٹوئیٹ کرتے ہوئے یہ اطلاع دی اور ان سے اظہارتشکر کیا۔

لوکیش جو سابق وزیراعلی این چندرابابونائیڈو کے فرزند ہیں نے اپنے ارکان خاندان کی طرف سے شرمیلا کو کرسمس کی مبارکباد پیش کی۔

ذرائع کے مطابق پہلی مرتبہ کرسمس کے موقع پر یہ تحفہ بھیجاگیا ہے۔واضح رہے کہ شرمیلا کے بھائی وائی ایس جگن موہن ریڈی زیرقیادت وائی ایس آرکانگریس آندھراپردیش میں برسراقتدارہے۔