مودی کے دورہ تلنگانہ کے موقع پر وزیراعلی تلنگانہ کو بخار آجاتا ہے۔بنڈی سنجے

حیدرآباد: تلنگانہ بی جے پی کے سابق سربراہ و رکن پارلیمنٹ بنڈی سنجے نے شکایت کرتے ہوئے کہا ہے کہ وزیراعظم مودی کے دورہ تلنگانہ کے موقع پر وزیراعلی تلنگانہ کو بخار آجاتا ہے۔

ضلع ورنگل میں وزیراعظم کی جانب سے مختلف ترقیاتی کاموں کا سنگ بنیاد رکھنے کی تقریب کے بعد بی جے پی کی جانب سے منعقدہ جلسہ سے خطاب کرتے ہوئے انہوں نے بی جے پی تلنگانہ کے صدرکی باگ ڈور ان کے ہاتھ میں قبل ازیں دینے پر بی جے پی کے قومی صدرنڈا سے اظہارتشکر کیااور کہا کہ انہوں نے اپنی معیاد مکمل کی ہے۔

انہوں نے کہا کہ مودی تلنگانہ میں ہزاروں کروڑ روپے کے ترقیاتی کاموں کا آغاز کرنے آئے ہیں اور ان پراجکٹس سے سینکڑوں بے روزگاروں کو روزگار فراہم کیا جائے گا۔

انہوں نے یقین ظاہر کیا کہ پارٹی تلنگانہ میں بی جے پی کے نئے ریاستی صدر کشن ریڈی کی قیادت میں برسراقتدار آئے گی۔