شمس آباد کی مندر میں مورتی کو نقصان، ایک شخص گرفتار

حیدرآباد (پی ٹی آئی) ضلع رنگاریڈی کے شمس آباد منڈل میں ایک مندر میں مورتی کی بے حرمتی کے الزام میں ایک شخص کو گرفتار کرلیا گیا ہے۔ پولیس نے اتوار کے روز یہ بات بتائی۔

مندر میں مورتی کی بے حرمتی کا واقعہ ہفتہ کی شب جکل موضع میں پیش آیا۔ مورتی کی بے حرمتی کرنے اور اسے نقصان پہونچانے کے حصہ کے طور پر ملزم نے مورتی سے زیورات نکالے اور ان زیورات کو ایک طرف رکھ دیا۔

مقامی افراد کی بڑی تعداد مندر کے پاس جمع ہوگئی۔خاطی شخص کے خلاف سخت کارروائی کا مطالبہ کرتے ہوئے احتجاج کرنے لگی۔ بعدازاں اس شخص کو پولیس نے گرفتار کرلیا۔ پولیس نے کیس درج کرتے ہوئے مزید تحقیقات کا آغاز کردیا ہے۔