پارلیمنٹ ہاؤس کے باہراپوزیشن ارکان کا احتجاج

نئی دہلی: یونین بجٹ پیش ہونے کے بعد پارلیمنٹ کی کارروائی شروع ہونے سے عین قبل کانگریس اور دیگر اپوزیشن پارٹیوں کے لیڈروں نے بدھ کے روز پارلیمنٹ ہاؤس کے باہر مظاہرہ کرتے ہوئے بجٹ کو عوام مخالف قرار دیا۔

کانگریس پارلیمانی پارٹی کی لیڈر سونیا گاندھی، سماج وادی پارٹی کے لیڈر اکھلیش یادو، عام آدمی پارٹی کے سنجے سنگھ سمیت متعدد پارٹیوں کے سرکردہ لیڈروں نے احتجاج میں حصہ لیا اور حکومت مخالف نعرے لگائے۔

احتجاج کرنے والے اپوزیشن ارکان پارلیمنٹ وزیر اعظم نریندر مودی پر آمریت کا الزام لگاتے ہوئے احتجاج درج کیا۔ سب کے ہاتھوں میں پلے کارڈز تھے جن پر نعرے درج تھے کہ یونین بجٹ عوام مخالف ہے اور عوام کے جذبات کو خاطر میں نہ لاتے ہوئے بجٹ میں صرف چند سرمایہ داروں کے مفادات کو پورا کیا گیا ہے۔