پہلگام دہشت گردانہ حملہ، انٹلی جنس کی ناکامی:اسد الدین اویسی
ہم مطالبہ کرتے ہیں کہ مودی حکومت اس واقعہ میں ذمہ داری کا تعین کرے۔ انہوں نے کہا، 'دہشت گردوں نے پہلگام میں معصوم شہریوں سے مذہب پوچھ کر انہیں ہلاک کیا۔ ہم اس واقعہ کی سخت الفاظ میں مذمت کرتے ہیں۔
حیدرآباد: بیرسٹراسد الدین اویسی رکن پارلیمنٹ حیدرآباد و صدرکل ہند مجلس اتحادالمسلمین نے پہلگام دہشت گرد حملہ پرسخت ردعمل ظاہرکرتے ہوئے اسے انٹلی جنس کی ناکامی قراردیا۔
انہوں نے میڈیا سے بات کرتے ہوئے کہا کہ نریندر مودی حکومت کو اپنی انسدادی پالیسی پر نظرثانی کرنی چاہیے۔
یہ واقعہ اُڑی اور پلوامہ حملوں سے بھی زیادہ قابل مذمت ہے کیونکہ پڑوسی ملک سے آئے دہشت گردوں نے عام شہریوں اور سیاحوں کو نشانہ بنایا ہے۔
ہم مطالبہ کرتے ہیں کہ مودی حکومت اس واقعہ میں ذمہ داری کا تعین کرے۔ انہوں نے کہا، ‘دہشت گردوں نے پہلگام میں معصوم شہریوں سے مذہب پوچھ کر انہیں ہلاک کیا۔ ہم اس واقعہ کی سخت الفاظ میں مذمت کرتے ہیں۔
ہمیں امید ہے کہ حکومت ان دہشت گردوں کو سبق سکھائے گی۔ ہم متاثرہ خاندانوں کے ساتھ مکمل یکجہتی کا اظہار کرتے ہیں اور زخمیوں کی جلد صحت یابی کے لئے دعاگو ہیں۔’
