غیرقانونی دراندازی رُکنے کے بعد ہی مغربی بنگال میں امن قائم ہوگا: امیت شاہ

کولکتہ (آئی اے این ایس)مرکزی وزیر داخلہ امیت شاہ نے اتوار کے دن کہا کہ مغربی بنگال میں امن غیرقانونی دراندازی رکنے کے بعد ہی قائم ہوگا۔

انہوں نے ضلع شمالی چوبیس پرگنا کے پٹراپول لینڈپورٹ میں نئے پیاسنجر ٹرمینل بلڈنگ اور مائتری دوار کے افتتاح کے موقع پر کہا کہ 2026ء میں مغربی بنگال میں تبدیلی لائیے، بی جے پی ریاست میں غیرقانونی دراندازی پوری طرح روک دے گی۔

انہوں نے کرپشن کے مسئلہ پر ترنمول کانگریس اور چیف منسٹر ممتابنرجی کو سخت تنقید کا نشانہ بنایا۔ مرکزی وزیر داخلہ نے پوچھا کہ ممتابنرجی نے مغربی بنگال کی ترقی کے لئے کیا ہے؟۔ بدقسمتی کی بات ہے کہ مغربی بنگال میں مرکزی فنڈس کے استعمال میں کرپشن عام ہے۔

مرکزی اسکیموں کا پیسہ حقیقی استفادہ کنندگان تک نہیں پہنچ رہا ہے۔ ترنمول کانگریس سے جڑے لوگ ہی اس کا فائدہ اٹھا رہے ہیں۔ انہوں نے کہا کہ لینڈ پورٹس،سرحدپار اسمگلنگ کی روک تھام میں اہم رول ادا کرتے ہیں۔