مشرق وسطیٰ
عوام تیار رہے،ملک کو مشکل دنوں کا سامنا ہوگا:نیتین یاہو
نیتن یاہو نے کہا کہ اسرائیل نے ایران کی پراکسیز کو منہ توڑ جواب دیا ہے، اسرائیل اپنے خلاف کسی بھی جارحیت کا بھرپور طاقت سے جواب دے گا،شہریوں کو مشکل دنوں کا سامنا ہوگا لیکن اسرائیل ہر طرح کی صورتحال کےلیے تیار ہے۔
![عوام تیار رہے،ملک کو مشکل دنوں کا سامنا ہوگا:نیتین یاہو](https://urdu.munsifdaily.com/wp-content/uploads/2024/08/ISRAEL-NITINYAHU.jpg)
تل ابیب: اسرائیلی وزیر اعظم بن یامین نیتین یاہو نے کہا ہے کہ ملک کو مشکل ایام کا سامنا کرنا ہوگا۔ نیتین یاہو نے تل ابیبی میں قریہ فوجی اڈے پر کابینہ اجلاس کے بعد پریس کو ایک بیان دیا۔
وزیراعظم نے کہا کہ اسرائیل اپنی بقا کی جنگ لڑ رہا ہے۔ حماس، حزب اللّٰہ اور حوثیوں پر تابڑ توڑ حملے کیے ہی، اسرائیل نے حزب اللّٰہ چیف آف اسٹاف فواد شکر سے بدلہ لے لیا ہے، اسرائیل پر حملہ کرنے والوں کو نہیں چھوڑیں گے۔
نیتن یاہو نے کہا کہ اسرائیل نے ایران کی پراکسیز کو منہ توڑ جواب دیا ہے، اسرائیل اپنے خلاف کسی بھی جارحیت کا بھرپور طاقت سے جواب دے گا،شہریوں کو مشکل دنوں کا سامنا ہوگا لیکن اسرائیل ہر طرح کی صورتحال کےلیے تیار ہے۔
خیال رہے کہ اسرائیل نے تاحال حماس کے سیاسی سربراہ اسماعیل ہنیہ کے قتل کی ذمہ داری قبول نہیں کی ہے۔
a3w