ری نیمنگ کمیشن قائم کرنے کی درخواست سپریم کورٹ میں خارج

نئی دہلی: سپریم کورٹ نے پیر کے دن مفادِ عامہ کی ایک درخواست (پی آئی ایل) خارج کردی جس میں پرانے‘ ثقافتی اور مذہبی مقامات کے اصل نام بحال کرنے جنہیں حملہ آوروں نے بدل دیا تھا‘ ری نیمنگ کمیشن قائم کرنے کی گزارش کی گئی تھی۔

جسٹس کے ایم جوزف اور جسٹس بی وی ناگارتنا پر مشتمل بنچ نے وکیل اشوینی اُپادھیائے کی داخل کردہ درخواست ِ مفادِ عامہ (پی آئی ایل) کے مقصد پر سوال اٹھایا اور کہا کہ اس سے وہ مسائل زندہ ہوجائیں گے جو ملک میں آگل لگاتے رہیں گے۔

بنچ نے کہا کہ یہ حقیقت ہے کہ ہمارے ملک پر حملے ہوئے اور بیرونی طاقت نے اس پر حکومت کی۔ ہم اپنی تاریخ کا چنندہ حصہ نہیں چاہ سکتے۔

عدالت نے کہا کہ ہمارا ملک سیکولر ہے اور ہندوازم‘ طرزحیات ہے جس نے سبھی کو سمولیا ہے۔