فون ٹیپنگ کیس،سپریم کورٹ نے پربھاکر راؤ کی ضمانت کے معاملہ پر سماعت ملتوی کر دی

حیدرآباد: تلنگانہ میں ہلچل مچانے والے فون ٹیپنگ کیس میں اہم ملزم اور ایس آئی بی کے سابق سربراہ پربھاکر راؤ کی ضمانت کے معاملہ پر سپریم کورٹ میں سماعت ملتوی کر دی گئی۔

تلنگانہ حکومت نے پربھاکر راؤ کی قبل از گرفتاری ضمانت منسوخ کرنے کے لیے عرضی دائر کی تھی۔ منگل کو اس معاملہ پر سپریم کورٹ میں سماعت ہوئی۔ ریاستی حکومت کے وکیل سدھارتھ لترا نے عدالت کو بتایا کہ کیس کی تحقیقات جاری ہیں اور اس سلسلہ میں اسٹیٹس رپورٹ داخل کرنے کے لیے مزید وقت درکار ہے۔

عدالت نے درخواست منظور کرتے ہوئے اگلی سماعت 25 تاریخ تک کے لیے ملتوی کر دی۔ ساتھ ہی واضح کیا کہ اگلی سماعت مکمل ہونے تک پربھاکر راؤ کی ضمانت قبل از گرفتاری برقرار رہے گی۔