راجستھان میں وزیر اعظم مودی کو حمایت نہیں مل رہی ہے: سچن پائلٹ

ٹونک: راجستھان کے سابق نائب وزیر اعلی اور کانگریس لیڈر سچن پائلٹ نے کہا ہے کہ وزیر اعظم نریندر مودی کو اسمبلی انتخابی مہم میں عوامی حمایت نہیں مل رہی ہے۔ ٹونک سے کانگریس امیدوار مسٹر پائلٹ نے جمعہ کو یہاں میڈیا سے بات چیت کرتے ہوئے یہ بات کہی۔

 انہوں نے کہا کہ بی جے پی قیادت اب پریشان ہے کیونکہ بی جے پی کو اپنی مقامی قیادت کی مہم میں کوئی طاقت نہیں ہے۔ دہلی کے لیڈر آ رہے ہیں، تمام وزیر اور وزیر اعظم بھی آ رہے ہیں، پھر بھی انہیں عوام کی طرف سے کوئی پذیرائی نہیں مل رہی ہے۔

انہوں نے کہا کہ انہیں عوام پر پورا بھروسہ ہے، اس بار پھر کانگریس پارٹی راجستھان میں حکومت بنائے گی۔ مدھیہ پردیش میں انتخابات کے دوران تشدد کی خبروں پر مسٹر پائلٹ نے کہا کہ الیکشن کمیشن سخت کارروائی کرے، انتخابات پرامن طریقے سے ہونے چاہئیں۔

انہوں نے کہا کہ تشدد کی کوئی جگہ نہیں، ہر شخص اپنا ووٹ کا استعمال کرے۔ انہوں نے کہا کہ امید ہے کہ راجستھان میں انتخابات بہت اچھے ماحول میں ہوں گے۔ انہوں نے کہا کہ ہمارے ملک میں جمہوریت ایک تہوار کی طرح ہے، سب کو ووٹ ڈالنے کا حق ہے، ووٹنگ پرامن طریقے سے ہونی چاہیے، جیت یا ہار کا فیصلہ عوام کرتے ہیں۔