وزیر اعظم نے بالا صاحب ٹھاکرے کو ان کے صد سالہ یوم پیدائش پر خراج عقیدت پیش کیا

نئی دہلی: وزیر اعظم نریندر مودی نے جمعہ کے روز شیو سینا کے بانی بالا صاحب ٹھاکرے کو ان کے صد سالہ یوم پیدائش پر خراج عقیدت پیش کیا اور انہیں ایک عظیم رہنما کے طور پر یاد کیا جنہوں نے مہاراشٹر کے سماجی و سیاسی منظر نامے پر دیرپا نقوش چھوڑے۔

اس موقع پر شیئر کیے گئے ایک پیغام میں ، وزیر اعظم نے کہا کہ بالا صاحب ٹھاکرے نے اپنے مخصوص قائدانہ انداز اور لوگوں کے ساتھ گہرے تعلق کے ذریعے ریاست میں عوامی مذاکرات کو گہرا انداز دیا۔ وزیر اعظم مودی نے کہا کہ بالاصاحب ٹھاکرے کے پیدائش کی صد سالہ تقریب پر ہم اس بلند پایہ شخصیت کو خراجِ عقیدت پیش کرتے ہیں جنہوں نے مہاراشٹر کے سماجی و سیاسی منظرنامے کو گہرائی سے متاثر کیا۔”

بالا صاحب کی شخصیت اور اثر و رسوخ کو اجاگر کرتے ہوئے ، وزیر اعظم مودی نے ان کی تیز ذہانت ، موثر تقریر اور پختہ یقین کو یاد کیا ۔ انہوں نے کہا کہ”تیز ذہانت، موثر تقریر اور غیر متزلزل نظریات کے حامل بالاصاحب عوام کے ساتھ ایک منفرد رشتہ رکھتے تھے۔”

وزیر اعظم نے مزید لکھا کہ "سیاست کے علاوہ بالاصاحب کو ثقافت، ادب اور صحافت سے گہرا شغف تھا۔ ایک کارٹونسٹ کے طور پر ان کا کیریر معاشرے پر ان کی گہری نظر اور مختلف مسائل پر ان کے بے خوف تبصروں کا عکاس تھا۔”