حیدرآباد میں بارش، بجلی کے صارفین سے احتیاط کرنے رگھوما ریڈی کی خواہش

حیدرآباد: تلنگانہ اسٹیٹ سدرن پاور سدرن تلنگانہ پاور ڈسٹری بیوشن کمپنی کے سی ایم ڈی رگھوماریڈی نے حیدرآباد میں شدید بارش کی صورتحال کا جائزہ لیا۔

انہوں نے کمپنی کے چیف جنرل منیجر اور سپرنٹنڈنٹ انجینئرس کے ساتھ آڈیو کانفرنس منعقد کی اور بجلی کی فراہمی کی صورتحال کے بارے میں تفصیلات حاصل کیں۔

سی ایم ڈی نے بجلی کے صارفین سے کہا کہ وہ بارش کے دوران احتیاط کریں۔

اس موقع پر انہوں نے کئی تجاویز بھی پیش کیں۔ انہوں نے کہا کہ بارش کے دوران بجلی کی تاروں اور ٹرانسفارمرز کے نیچے کھڑے ہونے سے حتی الامکان گریز کیاجائے۔

مویشیوں اور پالتوجانوروں کو بھی بجلی کے آلات سے دور رکھنا چاہیے۔اگر سڑکوں پر یا پانی میں کہیں بھی بجلی کی تار پڑی ہو تو اس کے اوپر سے گاڑی نہ چلائیں۔

اگر درختوں کی شاخوں، گاڑیوں، دیگر عمارتوں پر گرے ہوئے تار ہیں تو فوراً کمپنی کو کال کریں۔