مشرق وسطیٰ

سعودی عرب میں رمضان کا چاند نظر نہیں آیا

اسلامی کیلنڈر کا مہینہ عام طور پر 29 یا 30 دن کا ہوتا ہے اور مہینے کا آغاز اور اختتام ہلال پر منحصر ہوتا ہے۔ اسی لئے رمضان المبارک کا آغاز ہر سال کسی مخصوص دن نہیں ہوسکتا۔

دبئی: سعودی عرب میں منگل کی شام کو رمضان المبارک کا چاند نظر نہیں آیا۔ مملکت کی سپریم کورٹ نے بتایا کہ 22 مارچ بروز چہارشنبہ شعبان کے مہینے کا آخری دن ہوگا اور مقدس مہینہ رمضان جمعرات 23 مارچ سے شروع ہوگا۔

متعلقہ خبریں
جمعتہ الوداع: احساس اور عبادت کا دن – مفتی ڈاکٹر حافظ محمد صابر پاشاہ قادری
اردو اکیڈمی جدہ کا گیارہواں سہ ماہی پروگرام شاندار انداز میں منعقد، تمثیلی مشاعرہ اور طلبہ کی پذیرائی
سعودی عرب میں میڈیکل و انجینئرنگ کی اعلیٰ تعلیم کے مواقع پر IIPA کا رہنمائی سیشن
رمضان المبارک میں صدقات، خیرات اور محاسبہ نفس: ایک روحانی سفرتحریر: مولانا مفتی ڈاکٹر حافظ محمد صابر پاشاہ قادری
روزہ انسان کے لئے بہیمی اور حیوانی عنصر پر روحانی اور ملکوتی عنصر کو غالب کرنے کا سبب: مولانا قاضی اسد ثنائی
https://www.instagram.com/p/CqDjIOlDVNf/

اسلامی کیلنڈر کا مہینہ عام طور پر 29 یا 30 دن کا ہوتا ہے اور مہینے کا آغاز اور اختتام ہلال پر منحصر ہوتا ہے۔ اسی لئے رمضان المبارک کا آغاز ہر سال کسی مخصوص دن نہیں ہوسکتا۔

چاند نظر آنے کی تصدیق کے لئے مملکت کی چاند دیکھنے والی کمیٹی چہارشنبہ کی شام دوبارہ ملاقات کرے گی۔

اس سے قبل سعودی عرب نے مسلمانوں سے رمضان کے مقدس مہینے کا چاند دیکھنے کی اپیل کی تھی۔ سپریم کورٹ نے جو بھی چاند دیکھے – یا تو کھلی آنکھ سے یا دوربین کے ذریعے – قریبی عدالت میں رپورٹ کرنے اور اپنا مشاہدہ درج کرانے کو کہا تھا۔

رمضان وہ مہینہ ہے جس میں قرآن مجید نبی اکرم صلی اللہ علیہ وسلم پر نازل کیا گیا تھا، اور مومنین اسلامی کیلنڈر کے نویں مہینے کو نماز اور روزے کے ساتھ مناتے ہیں۔