تلنگانہ کے 5 اضلاع کیلئے ریڈ، 10 اضلاع کیلئے آرینج اور 10 اضلاع کیلئے ایلو الرٹ جاری

حیدرآباد: تلنگانہ کے محکمہ موسمیات نے کہا ہے کہ خلیج بنگال میں ہوا کے کم دباؤ کے زیر اثر آئندہ چار روز تک ریاست میں شدید بارش کا امکان ہے۔

محکمہ نے اپنے بلیٹن میں کہا کہ محبوب آباد، سوریا پیٹ، ورنگل،ہنمکنڈہ، بھدرادری کوتہ گوڑم، کھمم، جنگاوں اور یادادری بھونگیر میں موسلادھار بارش کا امکان ہے۔

جئے شنکر بھوپال پلی، سنگاریڈی، میدک، میڑچل، رنگاریڈی، حیدرآباد اور وقارآباد میں بھی شدید بارش کی پیش قیاسی کی گئی ہے۔

محکمہ موسمیات نے تلنگانہ کے 5 اضلاع کے لیے ریڈ الرٹ جاری کیا ہے۔

10 اضلاع کے لیے آرینج الرٹ اور 10 اضلاع کے لیے ایلو الرٹ جاری کیا گیا ہے۔