ناگرجناساگر پروجیکٹ کے ریڈیل کرسٹ گیٹس کی مرمت جنگی خطوط پر جاری

حیدرآباد: دو نوں تلگوریاستوں تلنگانہ اور اے پی کے ناگرجناساگر پروجیکٹ کے ریڈیل کرسٹ گیٹس کی مرمت جنگی خطوط پر جاری ہے۔

ہر سال کرسٹ گیٹس کو چکنائی لگانے اور دیگر کام انجام دیئے جاتے ہیں۔

عہدیداروں نے بتایا کہ مرمت کے کام دو دن میں مکمل کرلئے جائیں گے۔

بتایا جاتا ہے کہ امکانی سیلابی صورتحال سے نمٹنے کے لیے ہر چیز تیار کر لی گئی ہے کیونکہ بارش کے موسم میں بالائی علاقوں سے پانی کے شدید بہاو کا خدشہ ہے۔

دوسری جانب کرسٹ گیٹس کے نیچے سپل وے کی مرمت کا 60 فیصد سے زائد کام بھی مکمل کر لیا گیا ہے۔

علاوہ ازیں پراجیکٹ حکام نے بتایا کہ دائیں کینال پر گیٹ لگانے کا 90 فیصد کام مکمل ہو چکا ہے۔