ورنگل میں یوم جمہوریہ کی تقاریب، ضلع کلکٹر نے قومی پرچم لہرایا، ترقیاتی پروگراموں کا جائزہ

ضلع ورنگل کے صدر مقام قلعہ ورنگل کے خوش محل میدان میں اتوار کے روز ہندوستان کا 76 واں یوم جمہوریہ بڑے جوش و خروش کے ساتھ منایا گیا۔ یوم جمہوریہ کی تقریبات کے دوران ضلع کلکٹر ڈاکٹر ستیہ شاردا نے قومی ترنگا جھنڈا لہرایا اور پولیس سے سلامی لی۔

ورنگل میں جشن جمہوریہ کی تقریب بہت شان و شوکت کے ساتھ منعقد کی گئی۔ ڈاکٹر ستیہ شاردا نے قومی پرچم کی نقاب کشائی کی اور مختلف محکموں کے ذریعے ضلع میں نافذ کیے گئے فلاحی اور ترقیاتی پروگراموں کی تفصیلات پیش کیں۔

اس موقع پر ضلع کلکٹر نے سٹی میئر محترمہ گنڈو سدھارانی، ایڈیشنل کلکٹر سندھیرانی اور ڈی سی پی رویندر کے ہمراہ بہترین خدمات فراہم کرنے والے ملازمین اور رضاکارانہ تنظیموں کو تعریفی اسناد دی۔

بعد ازاں، کلکٹر نے ضلع میں مختلف محکموں کی طرف سے چلائی جانے والی ترقیاتی اور فلاحی اسکیموں پر قائم کیے گئے نمائشی ہالوں کا معائنہ کیا۔

یوم جمہوریہ کی تقریبات کے دوران مختلف سرکاری اسکولوں کے طلباء نے حب الوطنی پر مبنی رقص اور گانوں کی پیشکش کی، جس سے حاضرین بہت متاثر ہوئے۔ ان طلباء کو تعریفی اسناد بھی دی گئیں۔

اس پروگرام میں ایم ایل سی بسواراجو سرایا، عوامی نمائندگان، کارپوریٹرز، ضلعی عہدیدار، ملازمین، رضاکار تنظیموں کے نمائندے، عوام، طلباء اور دیگر نے بھرپور شرکت کی۔