اومن چانڈی کو ریونت ریڈی کا خراج

حیدرآباد: تلنگانہ پردیش کانگریس کمیٹی کے سربراہ ریونت ریڈی نے کیرل کے سابق وزیراعلی اومن چانڈی کی موت پر گہرے دکھ کااظہار کرتے ہوئے ان کی خدمات کو بھرپورخراج عقیدت پیش کیا۔

انہوں نے اپنے تعزیتی پیام میں کہا کہ عوامی لیڈر اومن چانڈی کی موت کیرل کے لیے ایک نقصان ہے۔

ہمیں ایک عظیم رہنما سے محروم ہونے کا دکھ ہے۔

چانڈی نے تقریباً ساڑھے پانچ دہائیوں تک عوامی زندگی میں مختلف عہدوں پر دو بار وزیر اعلیٰ، چار بار وزیر اور 12 بار ایم ایل اے کے طور پر کام کیا۔

انہوں نے کہا کہ ان کی موت ریاست کے عوام اور کانگریس پارٹی کے لیے بہت بڑا نقصان ہے۔