تلنگانہ کے جنگاوں ضلع میں سڑک حادثہ۔دو افراد ہلاک

حیدرآباد: تلنگانہ کے جنگاوں ضلع میں پیش آئے سڑک حادثہ میں دو افراد ہلاک ہوگئے۔

یہ حادثہ ضلع کے رگھوناتھ پلی کے قریب ہفتہ کی صبح اُس وقت پیش آیا جب رگھوناتھ پلی ٹول گیٹ کے قریب ٹہری لاری سے تیز رفتار جیپ ٹکراگئی۔

حادثہ اتنا شدید تھا کہ دو افراد موقع پر ہی ہلاک ہوگئے۔

اس حادثہ میں بعض دیگر افراد بھی زخمی ہوگئے۔ اطلاع ملنے پر پولیس موقع پر پہنچ گئی جس نے زخمیوں کو علاج کیلئے اسپتال منتقل کیا۔

مہلوکین میں ایک کی شناخت ہنمکنڈہ کے راکیش کے طور پر کی گئی ہے۔

دوسرے شخص کی تفصیلات معلوم نہ ہوسکیں۔

پولیس نے مقدمہ درج کرکے جانچ شروع کردی۔