تلنگانہ کے ضلع محبوب آباد میں سڑک حادثہ۔ایک ہی خاندان کے چارافرادہلاک

حیدرآباد: تلنگانہ کے ضلع محبوب آباد میں پیش آئے سڑک حادثہ میں ایک ہی خاندان کے چارافرادہلاک ہوگئے۔

یہ حادثہ ضلع کے کمبالاپلی کے محکمہ جنگلات کے اربن پارک کے قریب اتوار کی شب اُس وقت پیش آیا جب تیزرفتار کار نے آٹو کو ٹکر دے دی۔

تفصیلات کے مطابق چناایلاپورکا رہنے والا سرینواس آٹوچلاتے ہوئے اپنی خاندان کا پیٹ پالتاتھا۔وہ اس ماہ کی 13تاریخ کو اپنی ماں، دوبچوں،بہنوئی، ساس اوردیگر کے ساتھ اپنے آٹومیں ناگرجناساگر میں واقع مندرگیاتھا۔

واپسی کے دوران کل رات یہ حادثہ پیش آیا جس میں 35سالہ سرینواس کے بشمول اس کی ماں 60سالہ پاپماں،بیٹا چارسالہ رتویک اور بیٹی دو سالہ رتیویکا موقع پر ہی ہلاک ہوگئے۔

سرینواس کی ساس شانتی، بہنوئی شدید طورپرزخمی ہوگئے۔اس حادثہ میں کار میں سوار دو افراد معمولی زخمی ہوگئے۔