تلنگانہ کے سنگاریڈی ضلع میں سڑک حادثہ ۔سب انسپکٹر ہلاک

حیدرآباد: تلنگانہ کے سنگاریڈی ضلع کے چریال گیت کے پاس تیز رفتاری کے باعث پیش آئے سڑک حادثہ میں فلم نگر کا سب انسپکٹر ہلاک ہوگیاجس کی شناخت راجیشور کے طورپر کی گیی ہے ۔

بدھ کی رات وہ حیدرآباد کے بلکم پیٹ یلماں مندر کے قریب بندوبست کے فرائض انجام دینے کے بعد واپس جارہاتھا کہ اس کی کار ایک لاری سے ٹکرا گئی۔

حادثہ اتنا شدید تھا کہ ایس آئی راجیشور موقع پر ہی ہلاک ہوگیا اور کار مکمل تباہ ہو گئی۔واقعہ کی اطلاع ملتے ہی پولیس موقع پر پہنچ گئی اور لاش کو قریبی سرکاری اسپتال منتقل کردیا۔

پولیس نے مقدمہ درج کرتے ہوئے حادثہ کی وجوہات کا پتہ لگانے کے لئے تحقیقات شروع کردی ہے۔