سارن: سڑک حادثہ میں نوجوان جاں بحق، دو زخمی

چھپرا: بہار میں سارن ضلع کے مفصل تھانہ علاقے میں سڑک حادثے میں ایک نوجوان کی موت ہو گئی اور دو دیگر زخمی ہو گئے۔

پولیس ذرائع نے پیر کو یہاں بتایا کہ ریول گنج تھانہ علاقہ کے مکریڈا گاؤں کے رہنے والے راجکمار مانجھی کا بیٹا سورج کمار (26) جو اپنے حقیقی بھائی سوجیت کمار کے ساتھ ایک شادی کی تقریب میں شرکت کے لیے فور لین سے گڈکھا جا رہا تھا۔

اس دوران مخالف سمت سے جلالپور تھانہ علاقہ کے گاؤں جورن چھپرا کے رہائشی راجدیپ سنگھ کے بیٹے گوپال سنگھ کی موٹر سائیکل سے آمنے سامنے کی ٹکر ہوگئی۔

جس کی وجہ سے تینوں زخمی ہوگئے۔ اس راستے سے گزرنے والے لوگوں نے انہیں علاج کے لیے صدر اسپتال چھپرا پہنچایا۔ جہاں ڈاکٹر نے سورج کمار کو مردہ قرار دے دیا۔

ذرائع نے بتایا کہ دونوں زخمیوں کو علاج کے بعد بہتر علاج کے لیے پٹنہ بھیج دیا گیا ہے، واقعہ کی اطلاع ملتے ہی پولیس نے موقع پر پہنچ کر لاش کو پوسٹ مارٹم کے لیے صدر اسپتال چھپرہ بھیج دیا۔

پولیس نے اس معاملے میں ایف آئی آر درج کر لی ہے اور تحقیقات کر رہی ہے۔