پوٹین اور کم جونگ کو میری نیک خواہشات پہنچائیں، ٹرمپ کا چینی صدر کو طنزیہ پیام

واشنگٹن: امریکہ کے صدر ڈونالڈ ٹرمپ کی جانب سے چینی صدر کو طنز بھرا پیغام دیا گیا ہے۔ سوشل میڈیا پر ٹرمپ نے کہاکہ امریکہ کے خلاف سازش کرتے ہوئے پوٹین اورکم جونگ اُن کو میری نیک خواہشات پہنچائیں۔

انہوں نے لکھا کہ چین کے صدر بیرونی حملہ آور کو شکست دینے میں امریکی مددکا اعتراف کریں۔

شنگھائی تعاون تنظیم اجلاس پر ٹرمپ نے کہاکہ چین اور روس کی شمولیت کے ساتھ امریکہ کے خلاف اتحاد بننے پر تشویش نہیں ہے۔

یوکرین تنازعہ پر ٹرمپ نے کہاکہ روسی صدر سے بہت مایوس ہوا ہوں۔ یوکرین جنگ میں لوگوں کی زندگیاں بچانے کے لیے کچھ کروں گا۔