سدی پیٹ: کار نہر میں گرنے سے ایک ہی خاندان کے 5 افراد کی موت

سدی پیٹ: سدی پیٹ میں ایک کار کے ایک نہر میں گرجانے کے حادثہ میں ایک ہی خاندان کے 5 افراد کی موت واقع ہوگئی۔

 بتایا گیا ہے کہ یہ المناک واقعہ منگل کے روز سدی پیٹ کے جگدیو پور میں ملنا مندر کے قریب پیش آیا جبکہ یہ کار جس میں وہ سفر کررہے تھے، کالیشوم لفٹ آبپاشی پراجیکٹ کی ایک نہر میں گر پڑی۔

اس حادثہ میں کار میں سوار جملہ 6 افراد کے منجملہ 5 کی موت واقع ہوگئی۔ مقامی لوگوں کے مطابق ماروتی آلٹو کار میں چھ افراد بشمول تین خواتین اور ایک لڑکا سفر کر رہے تھے۔

مقام حادثہ پر پہنچنے والے مقامی لوگوں نے کار سے پانچ لاشوں کو نکالا جبکہ ایک مسافر کو جو حادثہ میں شدید زخمی ہوگیا تھا، گجویل کے سرکاری دواخانہ منتقل کیا گیا۔