تلنگانہ میں زیر زمین پانی کی سطح میں نمایاں اضافہ
زرعی ماہرین کا کہنا ہے کہ اس سال دھان، کپاس اور دیگر فصلوں کی کاشت بہتر طریقہ سے ہو سکے گی کیونکہ آبپاشی کے لئے پانی کی کمی کا خدشہ کم ہو گیا ہے۔
حیدرآباد: تلنگانہ میں زیر زمین پانی کی سطح میں نمایاں اضافہ کسانوں اور عام عوام دونوں کے لئے خوش آئند قرار دیا جا رہا ہے۔
زرعی ماہرین کا کہنا ہے کہ اس سال دھان، کپاس اور دیگر فصلوں کی کاشت بہتر طریقہ سے ہو سکے گی کیونکہ آبپاشی کے لئے پانی کی کمی کا خدشہ کم ہو گیا ہے۔
اس کے علاوہ پینے کے پانی کی اسکیمات، بورویل اور ہینڈ پمپوں میں بھی پانی کی دستیابی میں اضافہ متوقع ہے جس سے دیہی علاقوں کو زیادہ فائدہ پہنچے گا۔ واٹر ریسورس ڈپارٹمنٹ نے بتایا کہ ریاست کی کئی جھیلیں اور تالاب اپنی مکمل گنجائش تک لبریز ہوگئے ہیں، جس سے زمینی پانی کے ذخائر مزید ری چارج ہوئے ہیں۔
ماہرین ماحولیات کا کہنا ہے کہ بارش کی وجہ سے زیر زمین پانی کی سطح میں اضافہ مثبت پہلو ہے لیکن عوام کو چاہیے کہ وہ پانی کے تحفظ اور بارش کے پانی کو ذخیرہ کرنے پر بھی توجہ دیں تاکہ آئندہ برسوں میں کسی قسم کی قلت کا سامنا نہ کرنا پڑے۔
