حیدرآباد کے کئی علاقوں دھواں دھار بارش

حیدرآباد:شہریان حیدرآبادکو چلچلاتی دھوپ کی شدت سے راحت نصیب ہوئی کیونکہ شہر کے کئی علاقوں میں ہفتہ کی صبح کی اولین ساعتوں میں شدید بارش ہوئی۔پرانا شہر کے تمام علاقوں کے ساتھ ساتھ بالاپور، برکت پورہ، عابڈس، سکندرآباد، کاروان، جوبلی ہلز اور بنجارہ ہلز،گولکنڈہ، ٹولی چوکی اور فلم نگر میں بھی بارش ہوئی۔

بارش کے بعد بیشتر علاقوں میں کئی گھنٹوں تک بجلی کی سپلائی متاثر ہوئی جس سے شہریوں کو معمول کی سرگرمیوں میں دشواری کا سامنا کرناپڑا۔اسی طرح تلنگانہ کے کئی اضلاع میں بھی بارش ہوئی۔بعض اضلاع میں بارش کے ساتھ ژالہ باری بھی ہوئی۔